Восень прайшла пералескамі…

Восень ціха прыварожвае
Залатою шчымлівай парой.
Лісцяў-кветак мігценне прыгожае
Ашчаджае вястун-лістабой.
У. Мароз

Цудоўныя восеньскія замалёўкі, невялічкія вершы, прыказкі і прыкметы пра восень знайшлі адлюстраванне ў работах удзельнікаў конкурсу міні-праектаў  “Восень прайшла пералескамі”, які адбыўся ў адзіны дзень беларускага маўлення, 18 лістапада, у нашай школе для вучняў 5-6 класаў.  Хлопчыкі і дзяўчынкі з захапленнем распавядалі  пра тое,  якой яны бачаць гэтую цудоўную пару года. У намінацыі “Самы маляўнічы праект” пераможцамі сталі Котава Ксенія і Радчанка Марыя. Перамогу ў намінацыі “Самы змястоўны праект” атрымалі Хальчыцкая Марыя і Баранава Вераніка. Башарымава Ганна і Гербелева Дар’я сталі пераможцамі ў намінацыі “Самы крэатыўны праект”. Віншуем пераможцаў!

Настаўнік беларускай мовы і літаратуры Прасаловіч Н.Л.