Святы

Калядкі на новыя ладкі

Каляды — народнае свята, традыцыя, якую мы, беларусы, павінны шанаваць, ведаць, каб перадаць нашым нашчадкам. Адкуль пайшло гэта свята і што яно сабой уяўляе, расказалі ўдзельнікі свята, якія займаюцца ў гуртку “Юны этнограф”, кіраўніком з’яўляецца настаўніца беларускай мовы і літаратуры Рабава Святлана Мікалаенўна і клубе “Спадчына” - Грахольская Святлана Анатольеўна правялі конкурсную праграму “Калядкі на новыя ладкі”.

Яны прыбралі сцэну актавай залы ў вясковым стылі: на падлозе пасланы даматканыя ходнікі, у куце - абразы, прыбраныя вышыванымі ручнікамі, пасярод сцэны - стол, засланы вышываным абрусам, каля якога сядзіць дзед Мацвей. Бабуля Ганна мітусіцца па "хаце", ставячы на стол, новыя талеркі, міскі са стравамі. Гучаць беларускія народныя песні. У госці чакаюць унучку Алёнку. У хату прыходзяць з шумам-гамам калядоўшчыкі і з сабою прыводзяць казу.

Праходзіць абрад калядавання, у якім удзельнікі свята спяваюць, танчаць, чытаюць на памяць вершы, прысвечаныя калядам і Новаму году. Праводзіліся гульні-конкурсы “Запляці касу з шалікаў”, “Пачастуй суседа”, “Астудзі блін”.

Галоўнай мэтай праграмы свята Каляды было данесці да навучэнцаў узоры народнага мастацтва; абудзіць цікавасць да роднай мовы, культуры беларускага народа, яго гісторыі.

Настаўніца беларускай мовы і літаратуры Грахольская С.А.

Свята, прысвечанае Дню беларускай пісьменнасці і друку “І мова наша загучала, і не заціхне яе голас, пакуль жывы беларусы”

Пад такой гучнай назвай прайшло свята беларускай пісьменнасці і друку 2 верасня ў дзяржаўнай установе адукацыі “Сярэдняя школа №8 г. Магілёва”.

У нашай школе праводзіць свята пісьменства стала ўжо добрай традыцыяй. У гэты дзень мы імкнемся аддаць даніну павагі ўсім тым, хто заклаў фундамент і садзейнічаў развіццю беларускага пісьменства і асветы, успомніць аб гісторыі яго зараджэння, паказаць значэнне пераемнасці традыцый у развіцці беларускай літаратуры і кнігадрукавання.

У мове гучыць сэрца і душа народа. У гэтым яшчэ раз упэўніліся вучні шостых класаў сярэдняй школы №8 г.Магілёва, якія прынялі ўдзел у святочным мерапрыемстве. Свята было ўмоўна падзелена на тры часткі. Адразу дзеці здзейснілі экскурс у гісторыю ўзнікнення пісьма, затым прачыталі вершы сваіх любімых пісьменнікаў, а напрыканцы сустрэчы вучні атрымалі магчымасць праявіць сваю эрудыцыю ў час правядзння гульні “Славутыя імёны Бацькаўшчыны”.

Падрыхтавала і правяла мерапрыемства настаўнік беларускай мовы і літаратуры Прасаловіч Н.Л.